072. Melu Edan, Sarwo Darmono

Sarwo Darmono

Melu Edan

Melu edan edan dewekan
Kepengin dadi juragan
Melu edan
Edan mbelani juragan
Sing dibelani edan pisan
Melu edan ben keduman
Keduman jabatan
Keduman panganan
Keduman pakormatan
Keduman kesenengan
Supaya keturutan
Ngoceh sak papan papan
Ngoceh sak dhalan dhalan
Ngoceh neng koran koran
Ora lali njaluk bantuan para setan
Ocehane ora karuan
Ora perduli gawe gelane liyan
Ora perduli direwangi gelutan
Sing penting melu edan

Melu edan
Karepe ben kabeh keturutan
Kasunyatan dadi juragan
Dadi juragan tambah edan
Didawe kesempatan
Mumpung due kekuasaan
Ora wedhi karo siksaan
Rumangsane nek melu edan
Ora ana hukuman
Dasarpencen edan
Ya … tetep ae edan
Kanggo sing maca tulisan iki
Aja ketut edan
Sing penting sehat badan lan iso mangan
Senajan sega sak kepalan
Tansah antuk barokahe Tuhan
Slamet donya lan akherat kersane kang Maha Wikan

Lumajang, Rebo Pon 08-01-2020

Sarwo Darmono *adalah sastrawan Indonesia lahir di Lumajang penyair ini tingal di Lumajang Karyanya Seni Sastra Jawa Geguritan dipamerkan dalam Pameran Nasional Antologi 2026 Lumbung Puisi
*